شوفوا زعل الام وش يسوي

احداث عايشتها ومنها:
مرة من المرات كنا بمكه وجاء اخوي وقال لنا تجهزوا سألته امي وين؟ مارد عليها
وجاء وحنا جاهزين وطلعنا ...
وامي مندهشه وش السالفه؟
وحنا نمشي رايحين للطريق العام امي تكرر السؤال وين بتودينا وين بنروح وماكأنه يسمع شي
وزوجته نفس السالفه ماكأنها تسمع ... ولاحياة لمن تنادي..
بعدها صرنا بالاخير انا وامي وتقول لي ليه يعني اسالهم ومايردون علي هو ولا زوجته؟
احس انها اخذت بخاطرها ...
المهم وبعد ماوصلنا وركبنا السيارة تونا ماشيين شوي والا (بممممممممممم ) حادث تاثرت فيه السياره والحمد لله ماصار لنا شي
بعدها فكرت في الموقف ... قلت ياسبحان الله ربي عاقبه وتاثرت سيارته يمكن عشان امي ماكانت راضيه عليه وماخذه بخاطرها


اما الموقف الثاني..
اخوي الثاني ... عاد هذا ؟؟
دائما يقرر مع زوجته واهلها وامي المسكينه اخرررر شي يقول لها
احيانا يسافر بيوم اجازته وامي تعودت انه بهذا اليوم بالذات يجيها والغاليه تستنى وماتشوفه وفي الاخير تسال اهل زوجته ويجيها الخبر بانه مسافر
( الله يهديه ويصلحه ) .. لو انا محلها اذبحه
ومره نفس الشي تسال عنه غريبه ماجاء ولاتطلع تستناه وايضا جاها الخبر بانه حاجز وبيروح مكه .. وهي معصبه توقعت شي ثاني
الا العكس سمعتها تقول الله يوصله ويجيبه بالسلامه .. وفجأة اليوم الثاني اتوقع الا هو داخل استغربنا وين ؟ يقولون انت بمكه؟
قال تعبت فجأة وماتحملت الطريق طويل ورجعت...


ياسبحااااااااااااااااااااااااان الله .. بعدها اخذت درس كل شي ولا امي تعصب .. دعوة الوالدين مستجابه ..
سمعتوا ؟؟ مو تسمعون لحريمكم اكثر من امهاتكم (الجنه تحت اقدام الامهات)..

ان شاء الله اكون افدتكم معي وماعندي مانع بالنشر لاخذ العظه والعبره..
منقوووووووووووووول للامانة