صباح العيد الاول يا عيـون مالهـاإلا العيـد
= طويت لشوفها كل الدروب وجيـت ضاميهـا
لمحت الغيم فيها يوم أنا مثل الضمـا والبيـد
= لفحنـي بردهـا قلـت أقبلـت والله يحييهـا
تغطرس بالترف واول طلايعهاجديـل وجيـد
= أنا وشلون أصبـح فجرهـا والليـل كاسيهـا
وجيتك ما معي غير الطعون الزرق والتنهيـد
= وليـلٍ تشتكـي منـه العيـون ولا يواسيهـا
حبيب الجرح الآول هاك كل ضلوع قلبي صيد
=خفوقي يوم أخذته خذ أضلوعـي لا تخليهـا
أبد بيـن المحانـي لا تخلـي سالفـه للغيـد
= بدت فيك السوالف وانتهت بك وانت راعيهـا
تمناك القصايد كـل ماحنـت علـى التغريـد
= وتمناك الليالـي كـل مـا طالـت مساريهـا
أبي قربك وأشوفك كل ماتبعـد غـلاك يزيـد
=وأنا وش حيلتي يا صاحبي فرقاك مـا أبيهـا
دعيتك للرضا يالطيب اللي ما تـروح بعيـد
=أنا شفني بدربـك يـا أول الشوفـه وتاليهـا